INSERGAL
Tipos de formación
Formación Continua
Enténdese por Formación Continua os talleres pre-laborais impartidos dentro dos propios centros ao longo de todo o ano por monitores/as especialistas, buscando habilitar ás e aos menores de ferramentas básicas que melloren a súa empregabilidade e reinserción laboral en diferentes ámbitos: panadaría, xardinaría, mecánica e informática.
Formación específica
Entendemos por Formación Específica as actuacións levadas a cabo polas persoas menores tanto dentro como fóra do Centro, organizadas e/ou xestionadas tanto por E.I.L. INSERGAL S.L.U coma por outras entidades e/ou administracións. Tratan de responder ás necesidades e demandas das persoas usuarias e do mercado e complementan a formación continua mellorando a empregabilidade e o currículo vitae dos e das menores participantes.
Exemplos de formación específica
- Taller de habilidades sociais para o emprego e ofimática
- Módulo de orientación laboral non sexista
- Formación en manipulador/a de alimentos
- Formación en prevención de riscos laborais
- Cursos externos
- Formación externa
Formación nas Empresas
No Programa cóntase cunha rede de empresas e entidades colaboradoras a través de convenios que poñen a disposición das persoas menores un lugar onde poder obter habilidades sociais, destrezas e ferramentas que lles permiten incrementar as súas posibilidades de atopar emprego, mantelo, así como mellorar o seu CV a través de Prácticas ou/e Becas Formativas.
